تەندروستیی سلێمانی رایگەیاند، لە ساڵی رابردوودا زیاتر لە 320 هەزار کەس سەردانی نەخۆشخانەی شاریان کردووە و 14 هەزار و 240 نەشتەرگەریی جۆراوجۆر ئەنجامدراون.
بەڕێوەبەرایەتیی گشتیی تەندروستیی سلێمانی رایگەیاند، لە ساڵی رابردوودا 320 هەزار و 137 کەس سەردانی نەخۆشخانەی شاریان کردووە و لەو ژمارەیەش، 238 هەزار و 772 نەخۆش سەردانی بەشی فریاکەوتن و 69 هەزار و 632 نەخۆش سەردانی بەشی ‘ئۆ پی دی’ـیان کردووە و چارەسەری پێویستیان بۆ کراوە.
هەر بەگوێرەی ئامارەکە، ساڵی رابردوو لە نەخۆشخانەی شار، 68 هەزار و 666 نەخۆش داخڵکراون؛ لەو ژمارەیە 20 هەزار و 548 نەخۆش لە بەشی فریاکەوتن و 10 هەزار و 790 نەخۆش لە بەشی گورچیلەی دەستکرد و هەشت هەزار و 233 نەخۆش لە بەشی نەشتەرگەری و هەشت هەزار و 644 نەخۆش لە بەشی هەناوی و پێنج هەزار و 687 نەخۆش لە بەشی شکاوی بووە.
هاوکات ساڵی رابردوو، لە نەخۆشخانەی شار 14 هەزار و 240 نەشتەرگەریی جۆراوجۆر ئەنجامدراون و 104 هەزار و 495 تیشک گیراوە، هەروەها 41 هەزار و 615 سۆنەر و 871 هەزار و 590 شیکاریی تاقیگەیی و 23 هەزار و 829 هێڵکاریی دڵ و 3 هەزار و 646 ئیکۆ و 7 هەزار و 855 چارەسەری سروشتی، ئەنجامدراون.
