پارێزگاری سلێمانی داوایەك ئاراستەی لایەنەكان دەكات بۆ تێپەڕاندنی ناكۆكییەكان و دەڵێت، “ئەوەی بکات بێگانە پەرستی، دوایی هەر دێنێت؛ نوشستی”.
هەڤاڵ ئەبوبەكر، پارێزگاری سلێمانی رایگەیاند، دۆخی ناوچەکەو دنیا؛ لە دۆخێکی هەستیارو ناهەموارو مەترسیدارو پڕ لە ئاڵنگاریی و دەستشکاندنەوەو پاکتاوکردندایە؛ ڕوداوەکان زۆر خێرا دەڕۆن و دەگۆڕێن.
دەشڵێت، پێویستە کورد ناکۆکییە ناوخۆییەکانی تێبپەڕێنێت و، نەبێتە بەشێک لە شەڕ و ئاشوب و ململانێ ناوچەیی و نێودەوڵەتییەکان.
“لایەنە سیاسییەکان؛ دڵی هاوڵاتیانی کوردستان بدەنەوە، نەک دڵی خۆیان بە جەرگی بێگانان بدەن. کورد لە مێژە فەرمویەتی: ئەوەی بکات بێگانە پەرستی، دوایی هەر دێنێت؛ نوشستی”، هەڤاڵ ئەبوبەكر وا دەڵێت.
