بەڕێوەبەرایەتیی هاتوچۆی سلێمانی رایدەگەیەنێت، بەمەبەستی رێکخستنی ئۆتۆمبێلەکان و پاراستنی گیانی هاوڵاتییان، کامێراکانی چاودێریی خاڵ بۆ خاڵ لە ناوچەیەک دەکەنەکار.
بەڕێوەبەرایەتیی گشتیی هاتوچۆی سلێمانی بڵاویکردەوە، کامێراکانی تۆمارکردنی تیژڕەوی لە سەر رێگەکانی عەربەت – سەیدسادق – پارێزگای هەڵەبجە، هەروەها رێگەی پێنجوێن، لە رۆژی پێنجشەممە رێکەوتی 8ی کانونی دووەمی 2026، کاتژمێر 12ی نیوەڕۆ دەکەونەکار.
ئەوەشی خستەڕوو، بە هەردوو سایدی هاتن و رۆیشتن، کامێراکان بەشێوەی خاڵ بۆ خاڵ دیاریکراوە، هەروەها سەرجەم ئەو سنوورانە لە قەراغی رێگەکاندا هێمای دیاریکردنی خێراییان بۆ دانراوە.
ئاماژەی بەوەشکرد، ئەنجامدانی ئەم کارەش بەمەبەستی کەمکردنەوە و رێکخستنی خێرایی ئۆتۆمبێلەکانە، هەروەها پاراستنی گیانی هاوڵاتییانە لە رووداوەکانی هاتوچۆ.
