بەشی پێشبینی لە وەزارەتی گواستنەوە و گەیاندنی هەرێمی كوردستان، پێشبینییەكانی بۆ كەشوهەوای 48 کاتژمێرى داهاتوو بڵاوكردەوە.
بەپێی راگەیەندراوی بەشی پێشبینیی كەشوهەوا، ئەمڕۆ پێنجشەممە كەش لەنێوان نیمچەهەور و هەوری تەواودا دەبێت، لەگەڵ دابارینی تاوەباران و بروسکە لە ناوچەکانی هەرێم کە لە ناوچە شاخاوییەکان کاریگەریی زیاتر دەبێت.
لەبارەی كەشی پێشبینیكراوی سبەینێ هەینییەوە، راگەیەندراوەكە دەڵێت، “کەش هەور دەبێت لەگەڵ رێژنەباران و بروسکە، سەرەتا لە ناوچەکانی رۆژئاوای هەرێم باراندەبارێت، پاشان کاریگەرییەكەی بۆ زۆربەی ناوچەکانی هەرێم درێژدەبێتەوە کە پێشبینیدەکرێت لە ناوچە شاخاوییە سنوورییەکانی باکوور، بڕی دابارین مامناوەند بێت و لە کاتەکانی شەودا کەش جێگیردەبێتەوە”.
پلەکانی گەرما ئەمڕۆ پێنجشەممە بەرزدەبنەوە بەراورد بە تۆماركراوەكانی دوێنێ و سبەینێ هەینی پلەکانی گەرما سێ بۆ چوار پلە بەراورد بە تۆمارەکانی ئەمڕۆ نزمدەبنەوە، وەك بەشی پێشبینیی كەشوهەوا رایگەیاندووە.
