شارەزایەکی کەشناسی، رایگەیاند، لە سبەینێوە پلەی گەرمی بەرزدەبێتەوە و تا کۆتایی ئەم هەفتەیە بەردەوامدەبێت.
هەڤاڵ سدیق گەڵۆزی، شارەزای بواری کەشناسی رایگەیاند، بەهۆی هاتنی بارستەهەوایەکی نیمچەگەرمی مامناوەند لە باکووری ئەفریقاوە، لە سبەینێ دووشەممەوە پلەی گەرمی لە ناوچە جیاوازەکانی هەرێمی کوردستان بەرێژەی 2 بۆ 3 پلە بەرزدەبێتەوە.
روونیشیکردەوە، لە شەواندا پلەی گەرمی تا رادەیەک لە ناوچە دەشتاییەکان نزمدەبێت و هەست بە سەرما دەکرێت و لە ناوچە شاخاوییەکان لەژێر سفر پلەی سیلیزی دەمێنێتەوە.
وتیشی، لە رۆژی هەینی، 9ی کانوونی دووەمی 2026، بەرزەپاڵەپەستۆ پاشەکشە دەکات و نزمە پاڵەپەستۆیەک جێگەی دەگرێتەوە، شەپۆلێکی دیکەی بەفر و باران روو لە هەرێمی کوردستان دەکات.
