ئەمڕۆ پێنجشەممە، هەیبەت حەلبوسی، سەرۆکی ئەنجومەنی نوێنەران، پێشوازیی لە مەحمود مەشهەدانی، سەرۆکی پێشووی ئەنجومەنەکە کرد.
لە سەرەتای کۆبوونەوەکەدا، مەشهەدانی پیرۆزبایی لە حەلبوسی کرد بەبۆنەی هەڵبژاردنی وەک سەرۆکی ئەنجومەنی نوێنەران بۆ خولی شەشەم.
لە کۆبوونەوەکەدا جەخت لە گرنگیی دەرکردنی کۆمەڵێک یاسای گرنگ کرایەوە، کە کاریگەرییان لەسەر ژیانی هاوڵاتییان هەیە، هەروەها باس لە گرنگیی کاراکردنی رۆڵی چاودێریی ئەنجومەنی نوێنەران، لە ماوەی داهاتوودا، کرا.
