ئەمڕۆ چوارشەممە، لە رووداوێکی هاتوچۆدا لە ئەنبار، 13 کەس گیانیان لەدەستدا، کە هەشتیان سەربازی لیوای 27ـی فیرقەی حەوت بوون لە وەزارەتی بەرگری.
وەزارەتی بەرگریی عێراق لە راگەیەندراوێكدا ئاماژەی بەوەکردووە، لە رووداوێکی هاتوچۆدا لە پارێزگای ئەنبار، هەشت سەرباز، کە سەر بە لیوای 27ـی فیرقەی حەوت بوون، گیانیان لەدەستدا.
وەزارەتی بەرگری جەختیشدەکاتەوە، کە لایەنە پەیوەندیدارەکان بەدواداچوونی ورد بۆ وردەکاری و هۆکاری رووداوەکە دەکەن بۆ گرتنەبەری رێکاری پێویست.
هاوکات لە ئەنجامی ئەو رووداوەدا، سێ ئۆتۆمبێل سووتان، کە جگە لەو سەربازانە، پێنج کەسی دیکەش گیانیان لەدەستدا.
