کەشناسیی هەرێمی کوردستان، رایگەیاند، لە هەندێک ناوچە پلەی گەرمی بۆ ژێر سفر دادەبەزێت و شەختە دروستدەبێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، ئەمشەو کاریگەریی ئەم شەپۆلە بەف و بارانە بەرەو لاوازی دەچێت، لە ناوچە شاخاوییەکان کاریگەریەکەی دەمێنێتەوە بەشێوەی بەفربارینی پچر پچر و کرێوە.
دەشڵێت، بۆ سبەینێ سێشەممە کاریگەریەکەی نامێنێت، بەڵام پلەی گەرمی هەربە نزمی دەمێنێتەوە، هۆشداری دەدەین ئەمشەو و کاتەکانی بەیانی پلەی گەرمی بۆ ژێر سفر پلەی سیلیزی دادەبەزێت سەنتەری پارێزگای هەولێر لە سفر پلەی سیلیزی نزیکدەبێتەوە سەنتەری پارێزگای سلێمانی و دهۆک هەڵەبجە بۆ ژێر پلەی سفر دادەبەزیت،ئیدارەی سەربەخۆی سۆران و ئیدارەی سەربەخۆی راپەرین بۆ ژێر -3 پلە دادەبەزێت و ناوچە شاخەویەکان بۆ ژێر -6پلەی سیلیزی دادەبەزێت لەگەڵ دروستبوونی دیاردەی شەختە .
