پاپا چاوی بە باوکی ئالان کوردی کەوت

لە میانەی سەردانەکەیدا بۆ هەولێر، پاپای ڤاتیکان چاوی کەوت بە عەبدوڵا کوردی باوکی ئالان کوردی کە بووە سمبولی قوربانیانی کۆچبەری لە جیهاندا.

لە بەیاننامەیەکدا ڤاتیکان ڕایگەیاندووە، ” پاپا فرانسیس كه‌ ئه‌مڕۆ كۆتایی به‌ سه‌ردانه‌ مێژووییه‌كه‌ی بۆ عێراق هێنا، له‌ كۆتایی قوداسه‌كه‌یدا له‌ شاری هه‌ولێر چاوی به‌ عه‌بدوڵڵا كوردی، باوكی ئالان كوردی كه‌وت و گفتوگۆیەکی درێژیان کرد”.

 لە ڕاگەیەندراوەکەی سەردانەکەی پاپادا هاتووە “پاپا كاتێكی درێژی له‌گه‌ڵ باوكی ئاڵان كوردی به‌سه‌ر برد و توانیی له‌ ڕێگه‌ی وه‌رگێڕه‌كه‌یه‌وه‌ گوێبیستی خەم و ئازاری  عه‌بدوڵڵا كوردی ببێت، کە لە ڕێگەی گەیشتن بە ئەوروپا توشی خێزانەکەی هات”،

لە دیدارەکەدا عەبدوڵا کوردی سوپاسی پاپا فرانسیسی کردووە کەلە خەمی ئەو کەسانە تێدەگات وڵاتەکەی خۆیان لەبەر شەڕ و ئاژاوە جێدەهێڵن و پاپا لەسەردانەکەیدا بانگەوازی بۆ ئاشتی کرد.

شەش ساڵ پێش ئێستا کاتێک عەبدوڵا کوردی خۆی و خێزانەکەی ویستیان وڵات بەرەو ئەوروپا بەجێبهێڵن، بەڵام لە ڕێگەدا بەلەمەکەیان ژێر ئاو کەوت و ئالان و برایەکی و دایکی خنکان، دواتر وێنەی ئالان بووە سمبولی قوربانیانی کۆچبەری لە جیهاندا.

بابەتی پێشتر

كەركوك.. سێ كەس بە تۆمەتی تیرۆر دەستگیر كران

بابەتی دواتر

ئەمریکا هەڵوێستی توندی نییە لەسەر هێرشی حوسییەکان بۆ سەر ئارامکۆ

بابەتی پەیوەندیدار
زیاتر ببینە

وه‌زیری پێشمه‌رگه‌: بەعەرەبکردنی ناوچه‌ كوردستانییه‌كان قبوڵكراو نییە

وه‌زیری پێشمه‌رگه‌ی كوردستان دەڵێت، “بەعەرەبکردن و کۆچی زۆرەملێی دانیشتووانی ناوچه‌  كوردستانییه‌كانی ده‌ره‌وه‌ی ئیداره‌ی هه‌رێم قبوڵكراو نییه ‌و ڕه‌تیده‌كه‌ینه‌وە.”…
Total
3
Share