دابەشکردنی مووچەی مانگی 10 بەردەوامە و ئەمڕۆ زۆرترین شوێن مووچە وەردەگرن.
بەگوێرەی ئەو خشتەیەی وەزارەتی دارایی و ئابوریی هەرێمی کوردستان بۆ مووچە بڵاویکردووەتەوە، ئەمڕۆ سێشەممە، مووچەی مانگی 10ـی (مافی مرۆڤ، دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، کۆمسیۆن، دیوانی چاودێریی دارایی، خاوەن پێداویستیی تایبەت، ئەنجومەنی دادوەری، هێزی زێرەڤانی و فەرماندەی بەرگریی فریاکەوتن، سەرۆکایەتیی پەرلەمان، سەرۆکایەتیی هەرێم و سەرۆکایەتیی ئەنجومەنی وەزیران) دابەشدەکرێت.
هەر بەگوێرەی خشتەکە، ئەمڕۆ وەزارەتەکانی (ئاوەدانکردنەوە و نیشتەجێکردن، دارایی و ئابوری، ناوخۆ، داد، پلاندانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار، کار و کاروباری کۆمەڵایەتی، رۆشنبیری و لاوان، کارەبا و ئەوقاف و کاروباری ئاینی) مووچەی مانگی 10 وەردەگرن.
