کەشناسیی هەرێمی کوردستان، لەبارەی ناسەقامگیریی کەشوهەواوە هۆشداری دەدات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، ئەمشەو پێشبینیی دروست بوونی دیاردەی تەم هەیە تاوەکو کاتەکانی بەرەبەیان کاریگەرییەکەی دەمێنێتەوە.
دەشڵێت، سبەینێ دووشەممە پێشبینیی هاتنی بارستەهەوایەکی جەمسەریی سارد دەکرێت بۆ سەر ناوچەکەمان ئەمەش وادەکات پلەی گەرمی زیاتر نزمببێتەوە بەتایبەت لە کاتەکانی بەرەبەیان ناوچە سنوورییەکان لە ژێر سفر و سەنتەری پارێزگاکان لە سفر نزیکدەبێتەوە.
