وتەبێژی دەستەی گەشتوگوزاری هەرێمی کوردستان رەخنە لە راگرتنی بۆنە و ئاهەنگەکان دەگرێت رایدەگەیەنێت، ناکرێت کارەساتێکی سروشتی بە کارەساتێکی ئابوری وەڵامبدرێتەوە.
ئیبراهیم عەبدولمەجید، وتەبێژی دەستەی گەشتوگوزاری هەرێمی کوردستان لە دیمانەیەکی تەلەفزیۆنیدا رایگەیاند، ئامادەکاریی تەواوکراوە بۆ هاتنی گەشتیاران و پێشبینی هاتنی 200 هەزار گەشتیار دەکرێت بۆ ناوچە جیاوازەکانی هەرێمی کوردستان.
دەشڵێت، ئێستا کەرتی گەشتیاری هۆکاری بژێوی زیاتر لە 20 هەزار خێزانە، ئەم کاتانەی ساڵ باشترین کاتی گەشتیارییە و ساڵانە چاوەڕێی بۆنەکان دەکرێت، بەڵام ناکرێت بەهۆی کارەساتێکی سروشتییەوە بۆنەکان راگیرێن، چونکە کارەساتی ئابوری لێدەکەوێتەوە.
