دەروازەی نێودەوڵەتیی زێت، رایگەیاند، سبەینێ دەروازەی زێت بەڕووی هاوڵاتییان و گەشتیاراندا دادەخرێت.
دەروازەی نێودەوڵەتیی زێت، رایگەیاند، هاوڵاتییان و گەشتیارانی سنوورەکەمان ئاگاداردەکەینەوە، سبەینێ پێنجشەممە 25ی كانوونی يەکەمی 2025، تەنیا بۆ ماوەی یەک رۆژ، هاتوچۆ و گەشتکردن لە سنووری دەروازەکەمان دەوەستێت.
دەشڵێت، رۆژی دواتر واتە هەینی دەروازە لەبەردەم گەشتیاراندا کراوە دەبێت، چونکە رۆژی هەینی دەوام لە دەروازە ئاساییە.
دەروازەکە ئەوەشی خستووەتەڕوو، ماوەیەکە حکومەتی تورکیا سەرقاڵی چاککردن و دروستکردنی رێگەی سەرەکیی دەروازەی دەرجیک_ زێتە، بۆیە ناوە ناوە هەندێک رۆژ پێویستیان بەوە دەبێت رێگەی دیوی خۆیان دابخەن، بەمەش گەشتکردن لەو رۆژە دەوەستێت.
