شارەزایەکی بواری کەشناسی پێشبینیدەکات، لە رۆژانی کۆتایی ئەم مانگەدا، شەپۆلێکی دیکەی بارانبارین هەرێمی کوردستان دەگرێتەوە.
محەمەد کەلاری، شارەزای بواری کەشناسی رایگەیاند، شەپۆلێکی نوێی بارانبارین لە رۆژانی 28 و 29ـی 1ـی 2026 روو لە ناوچەکانی هەرێمی کوردستان دەکات کە پێشبینی دەکرێت، رێژەیەکی دڵخۆشکەری باران لەم شەپۆلەدا ببارێت، بە هەورەتریشقەوه و بەفریش لە ناوچە شاخاوییەکان دەبارێت.
ئاماژەی بەوەشکرد، سەرەتای مانگی داهاتوو، دووبارە شەپۆلێکی دیکەی بەفر و بارانبارین روو لە شارەکانی هەرێمی کوردستان دەکات.
