بەیانی ئەمڕۆ جیهان بە هەواڵی کەوتنەخوارەوەی فڕۆکەیەکی مەکسیکی بەئاگاهات کە یەکێک لە قوربانییەکانی ناوی منداڵێکی تەمەن دوو ساڵان بوو.
بەیانی ئەمڕۆ فڕۆکەیەکی فریاگوزاریی مەکسیک کە لە وڵاتەیەکەوە بەرەو ویلایەتە یەکگرتووەکانی ئەمریکا بەڕێکەوتبوو کەوتەخوارەوە و بەهۆیەوە شەش کەس گیانیان لەدەستدا.
لەنێو ئەو کەسانەی گیانیان لەدەستداوە منداڵێکی تەمەن دوو ساڵانی مەکسیکی هەبوو، کە ماوەیەک لەمەوبەر بە رووداوێک جەستەی سووتابوو و تیمە فریاگوزارییەکە بەنیازبوون بیگەیەننە نەخۆشخانەیەکی ویلایەتە یەکگرتووەکانی ئەمریکا بۆ چارەسەری پزیشکی و رزگارکردنی ژیانی لە مردن.
لە رووداوەکەدا هەشت کەس برینداربوون و بەمەبەستی چارەسەر گواسترانەوە نەخۆشخانە.
