قائیمقامی قەزای کەلار رایدەگەیەنێت، هیچ بۆنە و ئاهەنگێکی رەسمی بۆ سەری ساڵ ئەنجامنادەین.
عارف عادل، قائیمقامی قەزای کەلار لە لێدوانێکدا ئاشکرایکرد، وەک هاوخەمییەک بۆ قـ.ــوربانییەکان و زیانلێکەوتووانی لافاوەکەی چەمچەماڵ و گەرمیان، بڕیارمانداوە هیچ ئاهەنگێک بەبۆنەی سەری ساڵی نوێوە لە کەلار ئەنجامنەدەین.
ئەمەش پاش ئەوەدێت، لە چەند رۆژی رابردوودا، هەریەک لە پارێزگاکانیی سلێمانی، هەڵەبجە و کەرکوک، بەهۆی ئەو کارەساتەی بەسەر چەمچەماڵ و ناوچەکانی دەوروبەریدا هات، بڕیاریاریاندا بۆ سەری ساڵ هیچ بۆنە و ئاهەنگێک سازنەکەن.
