قۆناغی یەکەمی نۆژەنکردنەوەی بازاڕی دارەسووتاوەکە جێبەجێکرا و دەست بە ئامادەکاریی بۆ قۆناغەکانی دیکەی نۆژەنکردنەوەی بازاڕەکە دەکرێت.
سەرۆکایەتیی شارەوانیی سلێمانی رایگەیاند، قۆناغی کارکردن و پاکردنەوە و شۆردنی ناو بازاڕی دارەسووتاوەکە کۆتایی هات، کە لەماوەی چەند رۆژی رابردوودا لەلایەن تیمەکانی تایبەت بە سەرۆکایەتی شارەوانییەوە سەرقاڵی کارکردنبوون تیایدا و بەردەوامبوون لە پاکردنەوەی بازاڕەکە.
پێشتر ئاماژە بەوەدرابوو، کە پڕۆسەی نۆژەنکردنەوەی بازاڕی داراەسووتاوەکە بە چەند قۆناغێکدا تێدەپەڕێت، قۆناغی یەکەم پاکردنەوە و شۆردنی بازاڕەکەیە لە کەرەستە و پاشماوەکانی رووداوەکە، قۆناغێ دووەم قەرەبووکردنەوەی کاسبکارانی بازاڕەکەیە بە شێوازی نەقدی و قۆناغی کۆتایی بریتییە لە دروستکردن و دیزاینکردنەوەی بازاڕەکە بە سەرپەرشتی ئەندازیارانی شارەوانیی سلێمانی.
هاوکات، رۆژی 5ـی نیسان، ئاگر لە بازاڕی دارەسووتاوەکەی شاری سلێمانی کەوتەوە و بەپێی زانیارییەکان، 116 دوکان و چەند شوێنێکی فرۆشتنی خواردمەنی سووتان.
