لە قەزای کفری، ئۆتۆمبێلێکی بارهەڵگر و ماتۆڕسکیلێک پێکیاندادا و لە ئەنجامدا ماتۆڕسوارەکە برینداربوو.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، پاشنیوەڕۆی ئەمڕۆ دووشەممە، بەهۆی پێکدادانی ماتۆڕسکیلێک و ئۆتۆمبێلێکی بارهەڵگر(دووتەنی) لە سەر رێگای بەنداوی کفری لێخوڕی ماتۆڕسکیلەکە بەسەختی برینداربوو.
دەشڵێت، بریندارەکە تەمەنی 15 ساڵە و رەوانەی نەخۆشخانەی کەلار کرا، لەلایەن تیمی هاتوچۆوە لێکۆڵینەوە لە هۆکاری رووداوەکە دەستیپێکردووە.
