وەزارەتی کارەبای عێراق ئاشکرایدەکات، هاوردەکردنی غازی سروشتی ئێران بۆ عێراق راگیراوە و لە هەوڵدان شوێنگرەوەی بۆ بدۆزنەوە.
ئەحمەد موسا، وتەبێژی وەزارەتی کارەبای عێراق بڵاویکردەوە، هاوردەکردنی غازی سروشتی ئێران راگیراوە، بەوهۆیەوە چوار هەزار بۆ چوار هەزار و 500 مێگاوات، کورتهێنان لە کارەبادا دروستبووە، بەمەش پێدانی کارەبا بە هاوڵاتییان روو لە کەمی دەکات.
وتیشی، وەزارەت هەوڵدەدات وەک جێگرەوە، پەناببات بۆ وزەی ناوخۆ، تاوەکو وێستگەکانی کارەبا بەردەوامبن لە بەرهەمهێنان.
