وەزارەتی دارایی حکومەتی هەرێمی کوردستان بڕی 120 ملیاری داهاتی ناوخۆی مانگی 10 رادەستی حکومەتی فیدراڵ دەکات.
بەپێی راگەیەندراوێکی وەزارەتی دارایی حکومەتی هەرێمی کورستان، ئەمڕۆ دووشەممە 120 ملیار دینار وەک داهاتی نانەوتیی هەرێمی کوردستان بۆ مانگی تشرینی یەکەم، بەشێوەی کاش، دەخرێتە سەر هەژماری بانکی وەزارەتی دارایی حکومەتی فیدراڵ، لە لقی هەولێری بانکی ناوەندیی عێراق.
رادەستکردنی داهاتی ناوخۆ، وەک ئامادەکارییەکە بۆ دابەشکردنی مووچەی مانگی 10 پێش پشووی سەری ساڵ.
