فەرمانگەی پەیوەندییەكانی دەرەوەی هەرێمی كوردستان رایدەگەیەنێت، وەزیری بەرگریی توركیا و سوپاسالاری ئەو وڵاتە بە سەردانێك گەیشتنە هەولێری پایتەخت.
فەرمانگەی پەیوەندییەكانی دەرەوەی هەرێمی كوردستان بڵاویكردووەتەوە، ئێوارەی ئەمڕۆ سێشەممە یەشار گولەر وەزیری بەرگریی توركیا و مەتین گوراك، سوپاسالاری توركیا، بە سەردانێك گەیشتنە هەولێری پایتەخت.
ئاماژە بۆ ئەوەش كراوە، بەرپرسانی توركیا لە فڕۆكەخانەی نێودەوڵەتیی هەولێر لەلایەن شۆڕش ئیسماعیل وەزیری پێشمەرگە و سەفین دزەیی بەرپرسی پەیوەندییەكانی دەرەوەی حكومەتەوە پێشوازیان لێكراوە.
