بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ موسەنا سامەڕائی، سەرۆکی ھاوپەیمانیی عەزم کۆبووەوە.
لە کۆبوونەوەکەدا کە نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عێراق ئامادەیبوون، جەخت لە خێراکردنی هەنگاوەکان بۆ پێکهێنانی حکومەتی نوێی عێراق کرایەوە.
سەرۆک بافڵ رایگەیاند، یەکێتیی نیشتمانیی کوردستان بە دیدگایەکی روونەوە هاتووەتە گفتوگۆکانەوە کە ئامانجی خزمەتکردنی هاوڵاتییان و چارەسەرکردنی کێشە هەڵپەسێردراوەکانی نێوان هەرێمی کوردستان و عێراقە.
