بەڕێوەبەری هاتوچۆی پارێزگای سنە ڕایگەیاند، بەهۆی خەولێکەوتنی شۆفێری پاسێک لە ڕێگای سەقز – دیواندەرە، خۆی کێشاوە بە ئۆتۆمبێلێکی گوێزەرەوەدا و سێ کەس گیانیان لەدەستداوە و 19 کەسی دیکەش بریندار بوون.
عیسا گەوهەری، بەڕێوەبەری هاتوچۆی پارێزگای سنە لەسەر ڕووداوەکە ڕایگەیاندووە، “پاسەکە لە پارێزگای کرماشانەوە بۆ پارێزگای ئازەرباییجانی ڕۆژئاوا ڕۆیشتووە و بەر لە گەیشتن بە شاری سەقز، تووشی ڕووداوەکە بووە.
بەپێی ئامارێکی هاتوچۆی ئێران، لە چوار مانگی ئەمساڵدا (ساڵی هەتاوی، كە لەسەرەتای نەورۆزەوە دەستپێدەكات) پێنج هەزار و 633 کەس بە ڕووداوی هاتوچۆ گیانیان لەدەستداوە، ئەوەش بەراورد بە هەمان ماوەی ساڵی ڕابردوو 14% زیادیکردووە.
ساڵی ڕابردوو 15 هەزار و 277 کەس بە ڕووداوەکانی هاتوچۆ لە پارێزگاکانی ئێران گیانیان لەدەستداوە و نزیکەی 500 هەزار کەسیش برینداربوون.
