بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ نوری مالیکی، سەرۆکی ھاوپەیمانیی دەوڵەتی یاسا کۆبووەوە.
لە کۆبوونەوەکەدا، کە نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عێراق ئامادەیبوون، پەیوەندییەکانی هەرێمی کوردستان و عێراق لەگەڵ پێکهێنانی حکومەتی داهاتووی عێراق خرایەبەر باس.
هەردوولا هاوڕابوون لەسەر بەردەوامیدان بە گفتوگۆکان بۆ پێکهێنانی حکومەتێکی بەهێز و خزمەتگوزار لە عێراق.
