کەمێک لەمەوبەر شاندێکی باڵای ئەمنی بە سەرۆکایەتیی سەرۆک ئەرکانی سوپای عێراق بۆ لێکۆڵینەوە لە دۆخی ئەمنی شارەکە گەیشتە کەرکوک.
میدیا عێراقییەکان بڵاویانکردەوە، دوای نیوەڕۆی ئەمڕۆ شاندێکی ئەمنی بە سەرۆکایەتی عەبدولئەمیر یارەڵا سەرۆک ئەرکانی سوپای عێراق و ئەندامێتی فەریق قاسم محمەدی فەرماندەی هێزە وشکانییەکانی عێراق و چەند بەرپرسێکی ئەمنی باڵای دیکە گەیشتنە شاری کەرکوک.
سەردانەکەی شاندەکەی عێراق بە مەبەستی لێکۆڵینەوەیە لە دۆخی ئەمنی شارەکە لە دوای ئەو خۆپیشاندانانەی لە چەند رۆژی رابردوودا روویاندا و لەو چێوەیەشدا لەگەڵ بەرپرسانی ئەمنی کەرکوکدا کۆدەبنەوە.
