قوباد تاڵەبانی رایدەگەیەنێت، هەموو لایەک دڵنیادەکەینەوە ئەم تاوانە چەپەڵە بەبێ سزای یاسایی تێپەڕنابێت، ئەو تاوانبارانەی دەستگیرکراون سزای یاسایی خۆیان وەردەگرن.
قوباد تاڵەبانی، جێگری سەرۆکوەزیرانی هەرێمی کوردستان رایگەیاند، بەداخەوە کاک ئاکۆ سابیر، کارمەندی دڵسۆزی هێزەکانی ئاسایش، کە دوێنێ لەگەڵ دوو هەڤاڵی دیکەی، لەکاتی هاوکاریکردنی زیانلێکەوتووانی لافاوەکەی چەمچەماڵ لەلایەن چەند چەکـ.ـدارێکەوە تەقەیان لێکرا و برینداربـ.ـوون، ئەمڕۆ لە نەخۆشخانە، بەهۆی قورسیی برینەکەیەوە گیانیلەدەسـ.ـتدا و تێکەڵ بە کاروانی شەهیـ.ـدان بوو.
نووسیویشیەتی، لە دڵەوە پرسە و سەرەخۆشی ئاراستەی خانەوادە و کەسوکاری سەربەرزی شەهـ.ـید ئاکۆ، هەموو هەڤاڵانی لە هێزەکانی ئاسایش، خەڵکی چەمچەماڵ و هەموو کوردستان دەکەم.
جەختیشیکردەوە، هەموو لایەک دڵنیادەکەینەوە ئەم تاوانە چەپەڵە بەبێ سزای یاسایی تێپەڕنابێت، هەروەها ئەو تاوانبارانەی دەستگیرکراون سزای یاسایی خۆیان وەردەگرن.
