لێپرسراوی نووسینگەی قوباد تاڵەبانی رایدەگەیەنێت، کۆمپانیای دانەغازی ئیماراتی هاوکاریی زیانلێکەوتووان دەکات.
عەتا محەمەد، لێپرسراوی نووسینگەی قوباد تاڵەبانی لە لێدوانێکدا ئاشکرایکرد، تیمێک پێکهێنراوە بۆ خەمڵاندن و تۆمارکردنی زیانەکان، بەمزوانە کارەکانیان تەواودەکەن.
وتیشی، کۆمپانیای دانەغازی ئیماراتی هاوکاریی و یارمەتییەکانی خۆی بە زیانلێکەوتووانی لافاوەکەی چەمچەماڵ دەگەیەنێت.
جەختیشیکردەوە، بەردەوامدەبین لە کارەکانمان تاوەکو دۆخی چەمچەماڵ بەتەواوی ئاساییدەبێتەوە.
