چەند بەرپرسێک لە وەزارەتی پێشمەرگە، وادەی دابەشکردنی هاوکاریی هاوپەیمانان ئاشکرادەکەن.
ئەو بەرپرسانە رایانگەیاندووە، هاوکاریی دارایی هاوپەیمانان بۆ مانگی 11 دواکەوتووە و تائێستا نەخراوەتە سەر هەژماری وەزارەتی پێشمەرگە.
ئاماژەیان بەوەشکرد، دواکەوتنی ئەو هاوکارییە پەیوەندیی بە وەزارەتی پێشمەرگەوە نییە و لای هاوپەیمانانە، هەرکاتێک بخرێتە سەر هەژماری وەزارەتەکە، رۆژی دابەشکردنی رادەگەیەنین.
ئەوەشیان خستەڕوو، رەنگە مانگی یەکی ساڵی داهاتوو، هاوکاریی مانگی 11ـی هێزەکانی پێشمەرگە بنێردرێت و دابەشبکرێت.
لە مانگی 9ـی ساڵی 2026، لێکتێگەیشتنی نێوان وەزارەتی پێشمەرگە و هاوپەیمانان کۆتاییدێت و چیتر ئەو هاوکارییە بۆ وەزارەت، خەرجناکرێت.
