وەزیری پەروەدەی هەرێمی کوردستان رایدەگەیەنێت، ئەو خوێندنگانەی نۆژەندەکرێنەوە، دەوامیان رادەگیرێت، بەڵام ئەوانەی مەترسییان لەسەر نییە، دەتوانن بە راوێژ بڕیاری دەستپێکردنەوەی دەوام بدەن.
ئالان حەمەسەعید، وەزیری پەروەدەی هەرێمی کوردستان رایگەیاند، بڕیاردراوە لیستی ئەو کەلوپەلانەی کە بەهۆی لافاوەوە لەناوچوون، ئامادەبکرێت و لە رۆژی یەکشەممەوە، پارەی پێویست بۆ کڕینەوەیان خەرجبکرێت.
وتیشی، لە هەفتەی داهاتوودا، کتێبی نوێ دەگەیەندرێتە چەمچەماڵ و بەسەر خوێندکاراندا دابەشدەکرێت، هەروەها وایت بۆرد و پێداویستیی دیکەی خوێندن رەوانەدەکرێن.
ئاماژەی بەوەشکرد، تاقیکردنەوەکانی کۆتایی وەرز لە چەمچەماڵ بۆ مانگی یەک دواخراوە و میکانیزمی پێویست لەلایەن ئەزموونەکانەوە دادەنرێت.
وەزیری پەروەردە بڕیاریشیدا، ئەو خوێندنگانەی نۆژەندەکرێنەوە دەوامیان رادەگیرێت، بەڵام ئەوانەی مەترسییان لەسەر نییە و هاتوچۆی خوێندکاران تێیاندا ئاساییە، دەتوانن بە راوێژ، بڕیاری دەستپێکردنەوەی دەوام بدەن.
