سەرچاوەیەک لە ئەنجومەنى وەزیران رایدەگەیەنێت، گرفتى مووچە نزیکە لە چارەسەر و بە ئەگەرێکى زۆرەوە سبەى رەوانە دەکرێت.
میدیاى یەکێتى لە زارى سەرچاوەیەکی تایبەت لە ئەنجومەنی وەزیرانی عێراقەوە رایگەیاند، گفتوگۆ و رێککەوتن لەگەڵ محەمەد شیاع سودانی سەرۆک وەزیرانی عێراق و تەیف سامی وەزیری دارایی کراوە بۆ چارەسەرکردنی پرسی مووچەی مانگی چوارى مووچەخۆرانى هەرێم.
وتیشى، “بە ئەگەرێکی زۆرەوە سبەینێ گرفتەکان چارەسەر دەکرێن و پارەی مووچەی مانگی چواری مووچەخۆران رەوانەی هەرێم دەکرێت”.
نزیکەی 50 رۆژ بەسەر دابەشکردنی مووچەی مانگی سێی موچەخۆراندا رۆیشتووە، لەکاتێکدا ئەمڕۆ 11هەمین رۆژى مانگى ئایار تێدەپەڕێت.
