شارەزایەکی بواری کەشناسی رایگەیاند، هەورێكی چڕی سوپەرسێڵ بەرەو ناوچەکانی هەرێمی کوردستان دەکشێت.
ئاراز جەبار، شارەزای بواری کەشناسی ئاشکرایکرد، لە سنووری پارێزگای سەڵاحەدین بارستەهەورێکی سوپەرسێڵ دروستبووە و جوڵەکردنی لە کاتەکانی داهاتوودا بە ئاڕاستەی ناوچەکانی باکوور و رۆژئاوای گەرمیان و سنووری پارێزگای سلێمانی، هەروەها ناوچەکانی نێوان سلێمانی و کەرکوکە.
دەشڵێت، هەورەکە، هەورەبرووسکەی توند و تەرزە و بارانی بەهێزی لەگەڵدایە، لە ئێستاوە بەگشتی ناجێگیری کەش و هەوا بەهێزتر دەبێت، ئەمەش بەهۆی سەرکەوتنی زیاتری هەوای شێدار لە باکووری دەریای سوورەوە بۆ سەر ناوچەکانی هەرێمی کوردستان .
