دادگای باڵای فیدراڵیی عێراق لەسەر سکاڵایەک تایبەت بە هێنانی ژنی دووەم، کۆدەبێتەوە.
بڕیارە ئەمڕۆ سێشەممە، دادگای فیدراڵی ئەو سکاڵایە تاوتوێبکات کە دەربارەی رێگرییەکانی هێنانی ژنی دووەم، دژی سەرۆکی پەرلەمانی کوردستان تۆمارکراوە.
لە سکاڵاکەدا کە هاوڵاتییەک تۆماریکردووە، داوادەکرێت دادگای فیدراڵی بڕیاری نادەستووریبوونی بڕگەی دووەم لە ماددەی یەکەمی یاسای ژمارە 15ـی 2008ـی هەموارى یاسای بارى کەسی، بدات.
بەپێی هەمواری ئەو یاسایە، مەرجە ژن رەزامەندی دەرببڕێت، تاوەکو هاوسەرەکەى بتوانێت بۆ جارى دووەم هاوسەرگیری بکاتەوە.
