بڕیارە ناوەڕاستی هەفتەی داهاتوو، یەکێتیی نیشتمانیی کوردستان و پارتی دیموکراتی کوردستان کۆببنەوە.
بەپێی زانیارییەکانی تۆڕی میدیایی ئێستا، بڕیارە لە ناوەڕاستی هەفتەی داهاتوودا، وەفدی دانوستانکاری یەکێتیی نیشتمانیی کوردستان و پارتی دیموکراتی کوردستان کۆببنەوە و دەست بە گفتوگۆکانیان لەبارەی پێکهێنانی کابینەی دەیەمی حکومەتی هەرێمی کوردستان، بکەنەوە.
جێی باسە، لە کۆبوونەوەکانى رابردووی نێوانیاندا، هەردوولا رەشنووسێکی دیدگای هاوبەشیان بۆ شێوازی حکومڕانی داڕشتووە و رێککەوتوون لەسەری.
