سەرپەرشتیاری بایۆمەتریی سلێمانی رایدەگەیەنێت، لیستی مووچەی مانگی 10 لە بەغدادە و لیستی مووچەی مانگی 11 ئامادەیە.
یادگار جەبار، سەرپەرشتیاری بایۆمەتریی سلێمانی لە لێدوانێکدا رایگەیاند، لیستی مووچەی مانگی 10 هیچ کێشەیەکی نییە و لە بەغدادە، هەروەها لیستی مووچەی مانگی 11 ئامادەکراوە و بڕیارە هەفتەی داهاتوو بەمەبەستی وردبینیکردن، رەوانەی بەغداد بکرێت.
باسی لەوەشکرد، لە ماوەیەکی نزیکدا دەستدەکرێت بە ئامادەکردنی لیستی مووچەی مانگی 12، تاوەکو پێش کۆتاییهاتنی ساڵی دارایی لە عێراق، لیستەکە رادەستی وەزارەتی دارایی عێراق بکرێت.
