وەزیری کارەبای هەرێمی کوردستان، وادە و کاتی ئاساییبوونەوەی پێدانی کارەبا بە هاوڵاتییان ئاشکرادەکات.
کەمال محەمەد، وەزیری کارەبای هەرێمی کوردستان لە لێدوانێکدا رایگەیاند، بەهۆی هێرشـ.ـەکانەوە، ماوەی زیاتر لە 72 کاتژمێرە کارەکان وەستاون و گوشارێکی زۆرمان لەسەربوو، ئێستا دوو هەزار مێگاوات کارەبا بەردەستە، بەرەو چوار هەزار تاوەکو چوار هەزار و 500 مێگاوات دەچین، ئاساییبوونەوەی بارودۆخەکە چەند کاتژمێرێکی پێویستە.
وتیشی، پێشبینیدەکەین تاوەکو کاتژمێر چواری ئێوارەی ئەمڕۆ، دۆخی کارەبای نیشتمانی بگاتەوە دۆخی جاران و ئاساییببێتەوە.
ئەوەشی خستەڕوو، تاوەکو ئێستا کێشەی ئەو کۆگەکە چارەسەرنەکراوە کە تـ.ـەقێندرایەوە و لە رێگەی 150 تانکەرەوە غاز بۆ وێستگەکانی کارەبا دەگوازرێتەوە، تاوەکو کێشەی کۆگەکە چارەسەردەکرێت.
