دوو کەشتیی نەوت هەڵگر لە دەریای رەش و نزیك گەرووی بۆسفۆر تەقێندرانەوە.
وەزارەتی گواستنەوەی توركیا بڵاویکردەوە، رۆژی هەینی دوو كەشتیی نەوت هەڵگر لە دەریای رەش و نزیك گەرووی بۆسفۆر كرانە ئامانج و تەقێندراونەتەوە، یەکێکیان لە كەشتیی كایرۆس روویداوە كە لە میسرەوە بەرەو روسیا بەڕێکەوتووە.
بەگوێرەی وەزارەتەکە، تەقینەوەکە بووەتە هۆی ئاگركەوتنەوە لە کەشتییەکەدا کە 25کەسی تێدابووە و توانراوە سەرجەمیان لە مردن رزگاربکرێن.
لەبارەی نەوت هەڵگرەکەی دیکەوە، بەڕێوەبەرایەتیی كاروباری دەریایی توركیا رایگەیاندووە، ناوی نەوت هەڵگرەکە فیرات-ە لە دووریی 35 میل لە كەناراوەكانی توركیا كراوەتە ئامانج و ئەویش 20 کەسی تێدابووە کە سەرجەمیان رزگارکراون.
گوماندەکرێت هەردوو کەشتییەکە لە بنەڕەتدا سەر بە روسیا بن.
