قوباد تاڵەبانی رایگەیاند، بۆ ئەوەی پێگەی هەرێم بەهێزتربێت دەبێت پێگەی کورد لە بەغداد بەهێز بکەینەوە، هەربۆیە پێویستە لایەنە کوردستانییەکان پێکەوە هاوکار و هەماهەنگ بن.
ئەمڕۆ سێشەممە قوباد تاڵەبانی جێگری سەرۆکی ئەنجومەنی وەزیران لەگەڵ جانێت ئەلبێرتا، باڵیۆزی هۆڵندا لە عێراق کۆبووەوە رایگەیاند، عێراق پێویستی بە حکومەتێکی کارا و بەهێز هەیە کە جێی رەزامەندیی هەموو پێکهاتەکان بێت و بشتوانێت بە هاوکاری لەگەڵ حکومەتی هەرێم کێشەکانی نێوان هەرێم و بەغداد بەشێوەیەکی بنەڕەتی چارەسەر بکات.
باسیلەوەشکرد، بۆ ئەوەی پێگەی هەرێم بەهێزتربێت دەبێت پێگەی کورد لە بەغداد بەهێز بکەینەوە، هەربۆیە پێویستە لایەنە کوردستانییەکان پێکەوە هاوکار و هەماهەنگ بن.
ئاماژەی بەوەشکرد، لە هەرێمی کوردستان دەرفەتی زۆرباش هەیە بۆ کۆمپانیا و وەبەرهێنەرانی هۆڵندی بۆ ئەوەی بەشدارییەکی کاریگەرتر لە پرۆسەی گەشەپێدانی کوردستاندا بکەن بە تایبەتیش لە بوارەکانی کشتوکاڵ و گەشتوگوزاردا.
