سەرچاوەیەک لە وەزارەتی دارایی هەرێم رایدەگەیەنێت، وەزارەتەکە ئامادەکاریی تەواوی کردووە بۆ ناردنی داهاتی نانەوتی و چاوەڕوانن بەغداد، ئاگاداریان بکاتەوە کە مووچە دەنێردرێت.
ئەو سەرچاوەیە ئاشکرایکرد، لە چوارشەممەی رابردووەوە، وەزارەتی دارایی هەرێم سەرقاڵی کۆکردنەوە و ئامادەکردنی داهاتی نانەوتی بووە و لەئێستادا، سەرجەم ئامادەکارییەکان تەواوبوون.
وتیشی، چاوەڕوانن بەغداد ئاگاداریان بکاتەوە کە مووچە دەنێرن و ئەوانیش، 120 ملیار دیناری داهاتی نانەوتیی مانگی هەشت، دەخەنە سەر هەژماری بانکیی وەزارەتی دارایی عێراق.
ئاماژەی بەوەشکرد، هەرکاتێک نووسراوەکەمان بەدەست بگات، لە ماوەی 24 بۆ 48 کاتژمێر، 120 ملیارەکە رادەستدەکەین.
