وەزیری دارایی عێراق، بەبۆنەی بەرەنگاربوونەوەی توندوتیژیی دژی ژنان، پەیامێکی بڵاوکردەوە.
تەیف سامی، وەزیری دارایی عێراق، رایگەیاند، بەبۆنەی رۆژی جیهانیی نەهێشتنی توندوتیژیی دژی ژنان، پابەندبوونمان بۆ کۆتاییهێنان بە هەموو جۆرەکانی توندوتیژی و جیاکاری دووپاتدەکەینەوە.
وتیشی، لە رێگەی ئەنجومەنی باڵای کاروباری ژنانەوە دڵنیایی دەدەین کە پاڵپشت دەبین بۆ باشترکردنی دۆخی ژنانی عێراق و بەرزکردنەوەی پێگەی ژنان لە کۆمەڵگەدا.
وەزیری دارایی عێراق دەڵێت، ئێمە پشتگیری لە هەوڵەکان دەکەین بۆ وەستاندنی توندوتیژی بە هەموو شێوەکانیەوە هەروەها بۆ دروستکردنی ژینگەیەکی سەلامەت بۆ ژنان، بەدیهێنانی دادپەروەری و یەکسانی، و تێپەڕاندنی ئەو سەختییانەی کە رووبەڕوویان دەبێتەوە.
