ئەندامێکی هاوپەیمانێتیی ئاوەدانکردنەوە و گەشەپێدان رایگەیاند، محەمەد شیاع سودانی کاندیدیانە بۆ پۆستی سەرۆکوەزیرانی عێراق.
قوسەی مەحبوبە ئەندامی هاوپەیمانێتیی ئاوەدانکردنەوە و گەشەپێدان لە پۆستێکدا لە تۆڕی کۆمەڵایەتیی ئێکس بڵاویکردەوە، ئێمە محەمەد شیاع سودانی سەرۆکی هاوپەیمانێتییەکەمان وەک کاندیدی خۆمان بۆ پۆستی سەرۆکوەزیرانی داهاتووی عێراق دەستنیشانکردووە.
ئاماژەی بەوەشکرد، داوا لە لایەنەکانی دیکەی ناو چوارچێوەی هەماهەنگی دەکەین بەتایبەت ئەوانەی لە 25 کورسی زیاتریان هەیە، کاندیدی خۆیان بۆ ئەو پۆستە دەستنیشانبکەن.
هاوپەیمانێتیی ئاوەدانکردنەوە و گەشەپێدان 46 کورسیان لە ئەنجومەنی نوێنەران هەەی و 1.3 ملیۆن دەنگیان لە هەڵبژاردنەکان بەدەستهێناوە.
