ماڵی یەكێك لە سەركردە و پەرلەمانتارانی هاوپەیمانی تەقەدوم لەڕێی بۆمبەوە لە بەغداد كرایە ئامانج.
میدیا عێراقییەكان لە زاری سەرچاوە ئەمنییەكانەوە بڵاویانكردەوە، هێرشێك لەڕێی بۆمبی دەستی كراوەتەسەر ماڵی عەبدولكەریم عبتان، سەركردە لە هاوپەیمانیی تەقەدوم و پەرلەمانتار هاوپەیمانییەكە لە ناوچەی سەیدییەی بەغداد.
بەپێی سەرچاوەكان هێرشەكە هیچ زیانێكی گیانی نەبووە.
ڕۆژانی پێنجشەممە و هەینی ڕابردووش لەڕێی بۆمبی جۆراوجۆرەوە هێرش بۆسەر بارەگاكانی پارتی و تەقەدوم لە بەغداد ئەنجامدران.
