شارەزایەکی بواری کەشناسی رایدەگەیەنێت، لە کۆتایی ئەم مانگەدا، شەپۆلێکی دیکەی بارانبارین روو لە ناوچەکەمان دەکات.
ئاراس جەبار، شارەزای بواری کەشناسی رایگەیاند، لە بەیانیی ئەمڕۆ دووشەممەوە، کاریگەریی ئەو شەپۆلە بارانبارینەی ناوچەکەی گرتەوە، کۆتایی پێهات لە هەندێ ناوچەدا، بڕی باران نزیکبووەوە لە 200 ملیم.
ئاماژەی بەوەشکرد، لە سبەی سێشەممەوە، پلەی گەرمی 3 تا 4 پلە، بەراورد بە ئەمڕۆ بەرزدەبێتەوە و تاوەکو کۆتایی ئەم مانگەش، هەرێمی کوردستان و ناوچەکە، بە کەشێکی سەقامگیردا تێدەپەڕن و ئەگەری هاتنی باران بۆ ناوچەکەمان نابێت.
ئەوەشی خستەڕوو، بەگوێرەی پێشبینییە سەرەتاییەکان، ئەگەر هەیە لە کۆتایی ئەم مانگەوە بۆ سەرەتای مانگی 12، شەپۆلەکانی بارانبارین لە هەردوو دەریای ناوەڕاست و سوور بۆ سەر ناوچەکانمان، دەستپێبکاتەوە.
