لە سنووری ئیدارەی گەرمیان ڕووداوێکی سەختیی هاتوچۆ ڕوویدا و زیانێکی زۆر بەر ئۆتۆمبێلەکە کەوتووە.
بەڕێوەبەرایەتیی هاتوچۆی گەرمیان بڵاویکردەوە، بەیانیی ئەمڕۆ هەینی، لە گوندی (شێخ لەنگەر) ئۆتۆمبێلێکی جۆری تۆیۆتا کامری، بە ئاڕاستەی ناحیەی کوڵەجۆ ڕۆیشتووە، دواتر کۆنتڕۆڵی لەدەستدا و خۆی بە ستوونێکی کارەبادا کێشا.
ئاماژەی بەوەشکرد، بەهۆی ڕووداوەکەوە زیانی زۆری ماددی بەر ئۆتۆمبێلەکە کەوتووە و هیچ زیانێکی گیانیی بەدواوە نەبووە.
