بەڕێوەبەرایەتیی کارەبای سلێمانی ئاگادارییەکی ئاراستەی خاوەن باخەکانی سیتەک و چوارتا کردووە و رایدەگەیەنێت کە ئەگەر لە ماوەیەکی دیاریکراودا سەردانی فەرمانگەی کارەبای چوارتا نەکەن، کارەباکانیان دەبڕدرێت.
لە راگەیەندراوێکدا کە بەڕێوەبەرایەتیی کارەبای سلێمانی بڵاویکردووەتەوە هاتووە، فەرمانگەی کارەبای چوارتا ئاگاداری ھەموو خاوەن باخەکانی سنووری کارەبای چوارتا و سیتەک دەکات، بە تایبەت ئەو ھاوبەشانەی لەبەرواری ھاوبەشی کردنیانەوە تائێستا پسوڵەی کارەبایان بەدەست نەگەیشتووە، لەبەرواری (٢٠٢٣/٦/٤) بۆ (٢٠٢٣/٦/١٥) سەردانی فەرمانگەی کارەبای چوارتا بکەن.
داوایان لێدەکات کە لەکاتی سەردانکردنی فەرمانگەکە پسوڵەی هاوبەشیکردنیان پێبێت، بە پێچەوانەوە کارەباکانیان دەبڕدرێت.
