کەمێکی دیکە، تیروپشک بۆ ناوی حاجیانی ساڵی 2026 دەکرێت و زیاتر لە پێنج هەزار کەس ناویان دێتەوە.
وەزارەتی ئەوقاف و کاروباری ئاینیی حکومەتی هەرێمی کوردستان رایگەیاند، ئهمڕۆ یەکشەممە، کاتژمێر 11ـی پێشنیوەڕۆ، لە فەرمانگەی تەکنەلۆجیای زانیاریی ئەنجومەنی وەزیران، تیروپشک بۆ ناوی حاجیان ئەنجامدەدرێت.
بە وتەی نەبەز ئیسماعیل، وتەبێژی وەزارەتەکە کە قسەی بۆ تۆڕی میدیایی ئێستا کردووە، بۆ وەرزی حەجی 2026، زیاتر لە 89 هەزار کەس لە سەرجەم پارێزگاکانی هەرێم ناویان تۆمارکردووە و لە کۆی ئەو ژمارەیە، پێنج هەزار و 125 کەس ناویان دێتەوە.
