بۆ رێگریکردن لە ئاگرکەوتنەوە و تەشەنەکردنی، بەرگریی شارستانیی سلێمانی داوا دەکات ئەمشەو شەقامی ئەزمەڕ-گۆیژە دابخرێت.
ئارام عەلی، وتەبێژی بەرگریی شارستانیی سلێمانی، بە رۆژنامەنووسانی راگەیاند، تا ئێستا بای بەهێز لە سلێمانی بەردەوامە و بۆ رێگریکردن لە کەوتنەوەی ئاگر و تەشەنەکردنی، داوامان کردووە ئەمشەو شەقامی گۆیژە-ئەزمەڕ، بەڕووی شۆفێراندا دابخرێت.
ئەو وتانەی ئارام عەلی، لە میانەی کەوتنەوەی ئاگرێکدا هات لە چیای ئەزمەڕ، لەبارەی ئاگرەکەوە رایگەیاند، لەماوەیەکی کەمدا ئاگرەکە کۆنتڕۆڵکرا.
لەبارەی هۆکار و زیانەکانی ئاگرەکەوە ئارام عەلی، رایگەیاند، تاوەکو ئێستا هۆکار و زیانەکان نەزانراون و لێکۆڵینەوەکان دەستیان پێکردووە.
ئەوە لەکاتێکدایە بەرەبەیانی ئەمڕۆ لە چیای گۆیژە ئاگرکەوتەوە.
