وتەبێژی یەکێتیی نیشتمانیی کوردستان رایگەیاند، ئەمڕۆ سەرۆک بافڵ لە موسڵ دەبێت و پەیامی نوێی هەیە.
کاروان گەزنەیی، وتەبێژی یەکێتیی نیشتمانیی کوردستان رایگەیاند، بە ئامادەبوونی بافڵ جەلال تاڵەبانی، سەرۆکی یەکێتیی نیشتمانیی کوردستان، ئەمڕۆ دووشەممە کەرنەڤاڵی جەماوەری و ناساندنی کاندیدانی لیستی هاوپەیمانیی یەکێتی خەڵکی نەینەوا (٢٨١) لە بازنەی نەینەوا بەڕێوەدەچێت.
ئاماژەی بەوەشکرد، لە کەرنەڤاڵەکەدا، بافڵ جەلال تاڵەبانی وتارێک پێشکەشدەکات.
کاروان گەزنەیی ئەوەشی خستەڕوو، کەرنەڤاڵەکە کاتژمێر 02:00ـی ئەمڕۆ دووشەممە، 3ـی 11ـی 2025 لە بارەگای مەڵبەندی نەینەوای یەکێتیی نیشتمانیی کوردستان بەڕێوەدەچێت.
