لەگەڵ هاتنی وەرزی پایز نیشانەکانی هەستیاری وەک پژمە، خورانی لووت و قورگ و سووربوونەوەی چاو زیاتر دەردەکەون، بەڵام بە چەند رێگەیەک دەتوانیت کەمیان بکەیتەوە لەوانەش:
-دوورکەوتنەوە لەو هۆکارانەی هەستیاری دروستدەکەن وەک مانەوە لەناو چیمەن، بۆنکردنی گوڵ، ئەو پاککەرەوانەی هەستیاری دروستدەکەن، بۆ ئەمانەش باشترە دەرگا و پەنجەرەی ناوماڵ، ئۆتۆمبێلەکەتبە داخراوی
بهێڵیتەوە بە تایبەت لە کاتەکانی بەیانیان و نیوەڕوان، هەوڵبدە لەو کاتانەدا لەماڵەوە بمێنیتەوە ئەگەر ناچاربوویت بڕۆیت لە کاتی گەڕانەوەت پۆشاکەکانت بگۆڕە و خۆت بشۆ.
-سپرا یان قەترەی پاککەرەوەی لوت ئەوانەی سروشتین بە شێوەی رۆژانە بەکاربهێنە، سەبارەت بە جۆرەکەی باشترە راوێژ بە پزیشکی پسپۆڕ بکرێت.
-بەکارهێنانی دەرمانی دژە هەستیاری کە باشترە لەلایەن پزیشکی پسپۆڕەوە دیارییبکرێت.
-بەکارهێنانی هەندێک جۆر لە گیادەرمانییەکانی وەک Petasites hybridus، دەکرێت کاریگەریی لەسەر کەمکردنەوەی نیشانەکانی هەستیاری هەبێت.
