کەمێک پێش ئێستا، بومەلەرزەیەک بە گوڕی 6.1 پلەی ڕێختەر لە ناوچەی سندیری سەر بە پارێزگای باڵیکئەسیر لە رۆژئاوای تورکیا روویداوە.
بەگوێرەی زانیارییەکانی ماڵپەڕی سەرۆکایەتیی بەڕێوەبردنی کارەسات و فریاگوزارییەکانی تورکیا، بومەلەرزەکە 6.1 پلەی رێختەر بووە و ناوەندی بومەلەرزەکە لە قەزای سندیریی باڵیکئەسیر بووە، چەقی بومەلەرزەکەش لە قووڵی 5.99 کیلۆمەتر روویداوە.
ئەم رووداوە لە چەندین پارێزگای دیکە، لەوانەش ئیستانبوڵ، ئیزمیر، بۆرسا، ئایدن و پارێزگاکانی دیکەی دەوروبەریش هەستیپێکراوە.
تاوەکو ئێستا هیچ زانیارییەک لەبارەی زیانەکانی بوومەلەرزەکە بڵاونەکراوەتەوە.
