دوێنێ لە گردبوونەوەیەکدا کۆچبەرانی کورد لە ڕیزی پێشەوە منداڵانیان بە بەرزکردنەوەی چەند دروشمێکەوە دانابوو، منداڵەكان وێنەی بابا نوئێلیان بە مردوویی بەرزکردبووەوە وەک ڕەخنەیەک لە پۆڵەندا، ئەمڕۆ پۆڵەندییەک وەک بابا نوئێل چووە ناو منداڵەکانەوە.
ئەمڕۆ کەسێک بە جلی بابا نوئێلەوە چووە ناو منداڵە کوردەکانەوە، تویتەری سوپای پۆڵەنداش لەگەڵ دانانی وێنەکەدا، نووسیویەتی، “لەناو ئێمەدا کەسانێک هەن کە لەگەڵ پێکەنینی ئێوەدایە”.
دوێنێ میدیای پۆڵەندی ڤیدیۆی خۆپیشاندانی کۆچبەرانی ئەمڕۆی کوردی لە سنووری بیلاڕوسیا – پۆڵەندا بڵاوکردەوە و دەڵێت، “بیلاڕوسیا منداڵان بەکاردەهێنێت دژی ئەوروپا”.
دوێنێ کۆچبەرانی سنوری بیلاڕوسیا – پۆڵەندا خۆپیشاندانیان ئەنجامدا، لەناو خۆپیشاندانەکەدا منداڵان لەبەر بەفرباریندا وەستاون و داوای مافی مانەوە لە ئەوروپا دەکەن.
منداڵەکان وێنەی “بابا نوئێل”یان بەرزکردووەتەوە کە گیانی لەدەستداوە لەناو جەنگەڵدا، وەک ناڕەزایەتییەک بۆ دۆخی منداڵانی کورد لە سنووری بیلاڕوسیا – پۆڵەندا.
